新特蘭扑錘都冇力和波搵到食_新闻中心

新特蘭扑錘都冇力和波搵到食

http://www.118g.com 2008年11月23日 08:15 来源：互联网

　尋日講完史篤城對西布朗，今日阿Cow會同大家分析另一場護級戰，由新特蘭主場對韋斯咸。新特蘭射手施斯呢期頻頻入波，認真弗到漏，不過韋斯咸本身質素唔曳，領隊蘇拿近期亦刻意改善防守，應該守得住「黑貓」兩嘴，阿Cow估計兩隊今場將會和氣收場！（now632台周一凌晨0:00直播）

　最近阿Cow睇到段新聞想同大家討論，就係英格蘭領隊卡比路強行徵召聲稱有傷謝拉特返基地畀軍醫驗係咪真係受傷，我知咁做一定會引起一班球星不滿，但問題係依家實在有太多球員扮傷唔踢太公波，個人認為卡比路絕對有訂落呢條規矩需要，亦好佩服佢夠膽實行，始終呢條規矩實在有太大爭議性，唔知大家又點睇呢？
　
　蘇拿刻意加強防守
　
　講番今日場波，尋日都講過今季英超下游寸土必爭，今晚新特蘭遇同級韋斯咸，戰意唔使懷疑啦。今季「黑貓」最值得留意球員，必數前鋒施斯，其實佢唔係冇質素，以前利物浦踢唔起只因欠缺上陣機會，今季佢回歸英超，至今已經入五球，證明佢好有決心證明畀大家睇自己可以英超立足。另外大家亦要留意中場基蘭李察遜，呢位球員踢法愈愈成熟，偶有佳作，絕對係韋斯咸今場心腹大患。

　至於韋斯咸方面，呢支倫敦球隊近七場聯賽輸足五場，狀態係麻麻啦，不過佢本身人腳其實唔曳，前鋒卡頓高爾、中場比哈美同艾法寧頓都可以話係獨當一面，另外「錘仔幫」上場聯賽主場打和樸茨茅夫○比○，中止連續二十五場英超失波紀錄，亦睇得出蘇拿有花心思改善後防，預計今場作客「黑貓」，都會以唔失波同唔輸波為目標，睇落和波機會唔細。

[免费新闻调用]　　