畢爾包著火唔怕拉科_新闻中心

畢爾包著火唔怕拉科

http://www.118g.com 2008年11月23日 08:15 来源：互联网

　西甲今晚有場大戰，由畢爾包作客硬撼拉科魯尼亞。畢爾包咁多年都堅持用巴斯克球員，成績係冇人咁好，不過咁有骨氣球隊絕晒種啦，你話Mandy邊忍心睇住佢沉淪降班漩渦？今晚連續兩場搶到分佢，會造訪海鮮味濃拉科魯尼亞，Mandy決定撐畢爾包，捧「讓球客勝」！（有線61周一凌晨4:00直播）

　早排Bee基同Mandy講，話自己都想學「絕種好男人」Tim勝爺咁組織個家庭，不過影結婚相、酒席樣樣都係錢，真係幾甘。所以Bee基話要腳踏實地搵錢，希望同女友搞個世紀婚禮，咁有大志絕對值得表揚。

　同Bee基一樣，西甲球隊畢爾包都冇乜錢，開季成績仲好曳添。不過呢支北部球會最近兩場波都搶到分，表現似乎有起色。
　
　拉科飄忽主場冇料到
　
　最重要係畢爾包上星期護級大戰贏奧沙辛拿，成班球員信心返晒，練卡柏路斯話今季目標唔止護級咁簡單，揚言有信心畢爾包可以食住個勢重上正軌，以前十完成今季西甲。家陣講咁確實係言之過早，不過卡柏路斯咁有大志，冇理由唔撐佢！

　況且今仗對手拉科出名表現欠穩，早排連贏兩場跟手可以大敗畀馬體會，今季主場亦曾經試過淨吞升班隊伍希杭三蛋，自己地頭出擊唔算太有優勢。加上後防大將盧普今晚要停賽，睇怕都擋唔住連續三仗有波入畢爾包前鋒洛蘭迪

[免费新闻调用]　　