戀愛如揀波最緊要啱KEY AC客W冇甩拖_新闻中心

戀愛如揀波最緊要啱KEY AC客W冇甩拖

http://www.118g.com 2008年11月23日 08:15 来源：互联网

　尋日《美女鬥室》換張新相，好多朋友睇完都話「令」，Jo Wai度都要講聲「釘橋」！雖然我條腿唔係超長隻，但小妹向來都注重腳部護理，都係多得近年迷你裙、短打等大行其道，條腿唔睇緊都真係唔掂檔，所以依家咁白滑，都下唔少苦功！

　不過講到苦，我諗點都唔及AC米蘭練安察洛堤咁苦喇，據聞佢老婆早排紅杏出牆，畀意大利狗仔隊捉到正，十足十意版伊能靜一樣；安帥戴晒綠帽，仲要對住記者扮冇，都算係男人之苦囉！

　唔好睇Jo Wai平時思想前，其實我對婚姻觀念好傳統，我覺得拍拖分手唔緊要，話晒對足一生一世喎，梗係要試過度過去搵個「Mr/Miss Right」，唔同買棵菜嘛！但一旦決定結婚，就係兩個人一生一世承諾，呢個時候先見異思遷，真係既自私又過分，所以我今次撐硬安察洛堤。
　
　馬甸尼卡拿迪斯復出
　
　今晚AC會作客拖連奴（now 633周一凌晨3時30分直播），Jo Wai除撐安帥之外，當然仲有其他理據。AC近期傷兵情況大有好轉，主力逐個走出「十字大軍」，最重要當然係馬甸尼同埋卡拿迪斯復出，皆因球隊中堅早排傷晒，要動用費華利同邦利拿兩名閘位球員扼守中路，結果高空波梗係輸晒喇，對萊切就係因為唔夠頂被逼和，如今兩大中堅出番，Jo Wai當堂安落晒。另外，朗拿甸奴又弗到漏油，面對防線較弱拖連奴相信又有機會數胡，今場AC贏波唔難！

[免费新闻调用]　　