卡坦尼亞出奇制勝_新闻中心_日日发即时比分网

卡坦尼亞出奇制勝

http://www.118g.com 2008年11月23日 08:15 来源：互联网

　卡坦尼亞可以話係近年意甲最具爭議性球隊，淨係○七年對巴勒莫一戰引發嚴重球迷暴亂，造成一名警察殉職，夠晒震撼。呢隊西西里球隊上季大難不死，護級成功，今季依然邪氣不改，蠱惑招數多多，最出位一次，莫過於上仗有球員於排人牆時除褲，分散對方龍門注意力，造就隊友入波。卡坦尼亞今晚作客森多利亞，隨時又出奇制勝，Mic少捧卡軍「讓球客勝」。（有線球彩台64周日晚10時直播）
　
　森多利亞淨識恰弱旅
　
　卡坦尼亞上仗對拖連奴，當前鋒馬斯卡拉準備射罰球時，隊友震撼地使出「除褲」及「雙人牆」戰術，既有球員排反人牆，又再有人組成另一道人牆，阻礙對方龍門視線，最出人意表係第二道人牆中柏拉斯馬迪突然除褲，搞到全世界呆晒，馬斯卡拉立即起腳將罰球射入網，整個安排實在係「技驚四座」，亦引起一片爭議，不過事實係佢最後贏波。

　講真一句，卡坦尼亞除識用蠱惑招數外，本身實力都唔差，特別係前鋒馬斯卡拉近兩仗入四球，甚至有傳納比都有意召佢入意大利國家隊。睇戰績，卡坦尼亞今季曾經作客逼和祖雲達斯，對國米時亦僅敗，絕對唔小。而森多利亞表面上近績唔差，但所贏對手都係下游球隊，欠缺說服力，今場如果一個唔留神，隨時又畀卡坦尼亞奇招玩死

[免费新闻调用]　　