阿爾克馬爾榜首戰招積_新闻中心

阿爾克馬爾榜首戰招積

http://www.118g.com 2008年11月23日 08:15 来源：互联网

　今日關爺繼續將焦點放在荷甲，榜首大戰阿爾克馬爾主場對阿積士，阿爾克馬爾主場對阿積士往績極佳，乘對手主力射手亨特拉爾受傷缺陣，有望保持此佳績，平手盤敲主隊坐和望贏。（now 826周日晚7時30分直播）

　阿爾克馬爾一洗上季頹風，目前僅以兩分落後榜首阿積士，只要今場贏波就可趕過對手，佢係目前荷甲攻力最強球隊，十一戰攻入二十七球，自九月尾擊敗燕豪芬以，近四場主場聯賽全勝兼冇失波，攻守兼備，最重要係佢近年主場對阿積士表現分外醒神，對上六次只輸一次，平手盤基本上已封蝕本門。
　
　阿積士「斷箭」難作惡
　
　阿積士隊長兼靈魂亨特拉爾兩周前弄傷足踝，雖然唔使做手術，但最快都要十二月底先可以復出，上場冇佢球隊依然大勝燕豪芬四比一，表面上影響不大，不過場係主場比賽。

　睇番阿積士今季作客成績其實只屬一般，五戰只得兩勝一和兩負，其中十個入波有四球來自亨特拉爾，缺少這名當紮射手，勢必削弱阿積士爭勝本錢。

　另一場荷甲心水係威廉二世對格羅寧根，格羅寧根能夠排聯賽第三，好大程度係靠主場全勝佳績支持，佢除揭幕戰贏過維迪斯之外，已經連續四場作客未贏過；威廉二世今季主場專打老虎，阿積士、飛燕諾都曾經吃過佢苦頭，以格羅寧根作客表現實無必勝把握，「讓球主客和」客軍讓一球，必捧「讓球主勝」。

[免费新闻调用]　　