韋斯咸深明病向淺中醫_新闻中心

韋斯咸深明病向淺中醫

http://www.118g.com 2008年11月22日 09:54 来源：互联网

　　近排天氣忽冷忽熱，好多朋友都唔小心中招，早前提過朋友A亦不能幸免。早兩晚同佢兩條友落Bar睇英格蘭U21，佢帶兩卷廁紙出門口，不過唔使半場已經用完一卷，個鼻仲紅過利是封。

　　睇睇有位相熟經理坐埋吹水，言談間經理問佢點解病成咁，都仲要走睇波，朋友A就話：「小小傷風，唔怕！」其實出門口之前，小弟已叫過佢好番先好去飲酒睇波，不過朋友A冇理我勸告，仲話：「費事錢睇醫生啦，早排又輸咁多喎，呢場唔睇住玩即場，容乜易走寶？」結果，朋友A贏唔到錢之餘，第二日仲更連工都返唔成，焗住請假去睇醫生。

　　朋友A係一個不折不扣賭仔人辦，輸萬幾銀面不改容，畀百幾蚊醫生錢就牙痛咁聲，到身體好唔舒服先肯去睇私家醫生，到時傷風咳都變大病啦！好彩阿A只係由傷風拖到變感冒，仲未去到好嚴重地步。始終身體健康先係最寶貴財富，搵少錢，又有乜相干？

　　「病向淺中醫」呢個道理幾時都使，韋斯咸重攻不重守、防線唔集中毛病，上個禮拜對樸茅一戰已有明顯改善，聽晚佢作客出戰新特蘭，有權贏波，擺脫七場不勝走勢。

[免费新闻调用]　　