維爾瓦魚腩送埋口皇馬今晚有食神_新闻中心

維爾瓦魚腩送埋口皇馬今晚有食神

http://www.118g.com 2008年11月22日 09:54 来源：互联网

　　周中國際賽，Jo Wai都有留意，估唔到英格蘭出一半副選都照贏德國，果然犀利！所以呢，其實卡比路使乜咁勞氣呀，正規球員擺明詐傷想抖喇，佢身兼幾條戰線，呢無關痛癢賽事咪由得佢休息囉！正所謂好好去，依家又話要驗傷、又乜又物，一陣辣%26#63514;班大帝，落場唔搏命咪仲衰，勉強冇幸福呀！

　　其實卡比路真係要請Jo Wai至得，哈哈，因為我管人就最叻！老套講句，一條繩綁得太緊，遲早會斷，所以要識得收放自如，先係高手。打個比喻，你男友想去玩，次次詐型就會覺得你管住佢，冇晒自由，同坐監冇分別，除非你係「E級Baby」囉，如果唔係實同你埋單！

　　舒帥要贏波振軍心

　　所以呢，詐型得有時都要扮大方，同老友吹水睇波咪畀佢去囉，同大學同學話當年咪畀佢去囉，爆、段段去，咪盞佢冇晒感覺，第時你鬧佢都鬧得冇咁過癮呀，希望卡比路明白喇。

　　至於當年接卡比路手，依家就做唔住舒斯達，今晚將領皇家馬德里迎戰維爾瓦，雖然「銀河艦隊」近期出現信心危機，但對手太弱下，今晚應可不勝無歸。維爾瓦有幾渣，都唔使Jo Wai多講喇，今季聯賽贏得一場咁大把，現時排尾二，而近五場作客賽事一和四負，作客仲要衰多兩錢，皇馬仲唔趁機搵「魚腩」出氣咩。

[免费新闻调用]　　