沙特幾件主力唔出得南韓作客強攻下盤_新闻中心

沙特幾件主力唔出得南韓作客強攻下盤

http://www.118g.com 2008年11月19日 09:02 来源：互联网

　世界盃外圍賽亞洲區第2組爭持激烈，包尾大幡阿聯酋三戰皆北擺明陪跑，其餘四隊各得四分，形勢非常緊湊。今晚沙特阿拉伯主場鬥南韓屬「六分波」，沙特關鍵大戰前損兵折將鬧前鋒荒，反觀南韓重召「花酒門神」李雲在，加上「魔星」朴智星弗到漏，受讓平半有利，一於捧下盤！（now 671周四凌晨零時35分直播）
　
　重召李雲在把關
　
　大戰陣前沙特軍營屢傳噩耗，本來已有箭頭艾哈迪停賽，殊不知王牌球星艾卡坦尼於練波期間受傷，缺少呢位去年亞洲足球先生，鋒力起碼要打八折！另外，守將蘇利文尼日前又加入十字軍行列，另一星級前鋒慕亞夫亦有傷上陣成疑，今場前線要大執位，到底陣上發揮成點，仍屬未知之數，依家仲要讓波，實在唔多抵玩。

　南韓今次嚴陣以待，頭許丁茂重召李雲在，李生去年於亞洲盃期間約埋隊友飲花酒被罰停賽一年，今季呢位老牌門將於水原藍翼表現平穩，難得解禁復出，必定大打身價波。另外，幾位外流球員好似朴智星、朴主永同李榮杓都有入選，趁對手陣容不整，有力反客為主。
　
　伊朗嗒硬阿聯酋
　
　同組伊朗作客魚腩阿聯酋，阿聯酋雖然財雄勢大，但有錢並不等於可以換取成績，球隊分組賽三戰全敗失八球，上一輪作客更遭南韓大炒四比一，足見佢根本未夠班，今次雖然話重返主場，仍難樂觀。

　客軍伊朗近況甚佳，而且級數遠超對手，因此今次作客都要讓到半球，足見莊家都睇好佢贏得，如無意外可再添三分，客Ｗ值得捧場。

[免费新闻调用]　　