Goal手過招幕幕精彩英超《雙城記》盛大公映_新闻中心

Goal手過招幕幕精彩英超《雙城記》盛大公映

http://www.118g.com 2008年11月16日 08:35 来源：互联网

　英超今個禮拜壓軸戰上演「雙城記」，由「老虎仔」侯城主場迎戰一夜暴富曼城，兩隊都有個入波高手—祖雲尼同羅賓奴壓陣，癲鳳鬥狂龍格局，和仔一就推介個1.75倍入球大先！跟手再玩埋曼城作客贏波，始終侯城三連敗足證神話幻滅，曼城W先係正路之選！（now632台周一凌晨0:00直播）

　唔通呢個世界真係冇神話？和仔都唔想講得咁現實，但見到侯城連輸三場，由個天撻番落地面，都真係無話可說。始終聯賽係長途作戰，人腳取決一切，雖然祖雲尼、馬龍京治同埋丹尼卡辛呢戰將大打爭氣波，鋒力強勁，不過論整體質素，尤其係條防線，侯城的確係削。
　
　侯城攻強守弱神話破滅
　
　近幾日一直有傳曼城巴西攻擊三寶羅賓奴、祖奧同埋艾蘭奴狂篤領隊曉士背脊，搞到曉士要搭長途機去中東畀老闆「照肺」。我和仔鍾意實事求是，唔鍾意聽是非，呢新聞係真係假只有當事人先知，不過唯一可以肯定，係曼城高層出聲話支持曉士，所以佢呢場只要贏到攻強守弱侯城，就可以抵銷聯賽三連敗負面影響。
　
　曼城炸彈停賽仲醒神
　
　講真，羅賓奴級數同技術真係令和仔目瞪口呆，不過曼城鋒力之所以咁勁，艾利蘭功勞亦都唔細。呢位仁兄畀波夠毒之餘，自己又有一定入球能力，佢兩位老哥加埋胡禮仔，面對防守曳侯城，入波唔慌少。

　雖然曼城有兩件球員停賽，但反而係件好事，點解？因為坐波監係計時炸彈鄧尼同埋未夠班中場基爾臣費南迪斯，呢兩位仁兄簡直係曼城負累，用賓希姆同埋刑滿復出高柏尼頂替仲醒神，所以「雙城記」唔使諗，捧「入球大」之餘玩埋曼城個W，雙贏？就係咁簡單！
　
　
　
　

[免费新闻调用]　　