多兩粒即破皇馬紀錄巴塞維攻冇留手_新闻中心

多兩粒即破皇馬紀錄巴塞維攻冇留手

http://www.118g.com 2008年11月16日 08:35 来源：互联网

　要數呢期歐洲最弗球隊，唔使揀一定係巴塞隆拿！呢班波最近聯賽八連勝，難得周中唔使踢歐聯，今場肯定派晒伊度奧、美斯同亨利三大箭頭攻堅，巴塞只要今場取得兩球或以上入球，就會打破西甲開季入球紀錄，戰意肯定旺盛，睇怕換帥後依然死氣沉沉維爾瓦都冇力反抗，一於捧巴塞1.8倍「讓球客勝」！
　（有線61及廣東體育周一凌晨4:00直播）

　巴塞今季開咧頭兩場都失分，新練哥迪奧拿一度被人認為未夠班，但依家相信冇人再懷疑佢實力，事關巴塞最近八場聯賽全勝，當中三度開出「其他贏」，開季踢十場波射入三十四球，平均每場入三點四球，如果今仗可入到兩球以上，仲可以打破死敵皇馬保持半個世紀開季入球紀錄（十一場入三十五球），你話巴塞點會留手？
　
　維爾瓦九戰不勝
　
　雖然中場恩尼斯達、後艾比度同米列圖養傷，但由於周中唔使踢歐聯，朱楓肯定巴塞會派出最強陣容迎戰，以求盡快聯賽放甩，難得伊度奧、美斯呢排弗到漏，加埋亨利、沙維同希比等主力，皇馬隨時都唔夠佢砌啦！何況區區一隊維爾瓦！
　
　上季憑最後兩場聯賽不敗，僥倖成功護級維爾瓦，今季似乎冇咁好運，自開咧戰作客贏過貝迪斯後已九戰不勝，儘管中途易帥換上艾卡利斯執依然冇起色，直至上周中西班牙盃贏畢爾包先開齋，偏偏入波功臣艾辛馬田又比賽中受傷，今晚好大機會缺陣，加埋舊有十字軍有中場卡梅拿斯、後保遜同卡沙度，睇見都唔開胃，朱楓撐硬巴塞「客勝」，進取可以玩埋○比五、一比五同客其他呢三個大膽。

[免费新闻调用]　　