掟吧！手榴彈兵團！_新闻中心

掟吧！手榴彈兵團！

http://www.118g.com 2008年11月16日 08:35 来源：互联网

　今季史篤城戰績或者唔算標青，但係隊中後戴納就足以成為話題，事關經佢手掟出界外球唔止遠，仲成為球隊其中一種入波方法！其實球壇手榴彈兵團又點止得戴納一個？好似力登地聯後保羅迪臣亦識得呢門「手」藝，仲早前蘇超賽事造就隊友入波添！
　
　登地聯保羅迪臣亦有一手
　
　今個月初登地聯三比三打和格拉斯哥流浪一役，唔止戰果令人意外，後保羅迪臣仲下半場將界外球掟入對手禁區，造就隊友史葛羅拔臣趁混亂射入！賽後唔少媒體都佢同戴納相比，但保羅迪臣就認為唔可以比較：「我只可以掟去近柱位，但戴納掟得更加遠，甚至去到龍門頭頂都得。」

　事實上，保羅迪臣亦有別於戴納每次用成個鐘去練習掟界外球，佢自認好少花時間呢門技巧上。但既然可以將波掟去禁區，心得多多少少都有，保羅迪臣就話想掟得遠唔係一味用死力，反而技巧係最緊要！

　但掟界外球入禁區博懵講到尾只係古靈精怪招數，始終唔可能長用，何況你識蠱惑人都識！好似前燦美爾球員查連洛八年前亦係以掟手榴彈出名，點知球隊殺入○○年聯賽盃決賽後，賽會竟然禁止佢掟界外球前用毛巾抹乾波，目的係等佢跣手掟唔到咁遠，呢招都咪話唔毒！

[免费新闻调用]　　