為錢途必炒標準列治紅軍半W穩「主勝」冇頭痕_新闻中心

為錢途必炒標準列治紅軍半W穩「主勝」冇頭痕

http://www.118g.com 2008年08月27日 08:33 来源：互联网

　　歐聯第三圈次回合開打！利物浦返主場炮製標準列治，稍有差池即刻唔見一千二百萬鎊，既然秤實力係紅軍高，講運氣又係紅軍好，依家仲要睇錢份上，所以今場一於同利物浦共存亡，半場W同「讓球主勝」都玩得過！（有線61周四凌晨3:05直播）

　　正所謂一命二運三風水，利物浦開季後三場正式比賽踢到不知所謂，但都可以造出兩勝一和佳績，睇幸運之神都係紅軍Fans！利物浦首回合作客標準列治唔輸都偷笑，當時佢全場捱打，仲輸球十二碼，如果唔係對手巴西外援丹迪保菲敗家宴客，利物浦一早已經敗走比利時，表現咁差都可以全身而退，真係非常好運。

　　進軍分組賽即袋1.7億

　　馬斯真蘭奴啱啱踢完奧運，領隊賓尼迪斯怕佢舟車勞頓影響發揮，索性叫佢今場休息，但利物浦人腳充裕，中場塞番個沙比阿朗素一樣冇問題。不過標準列治就麻煩，佢雖然有美國中堅安恩胡復出，但正選中場杜菲繼續倦勤，加上射手祖雲奴近排畀幾支法甲球會斟緊，依家心思思想轉會，根本無心戀戰，唔多唔少都影響到球隊士氣同部署。

　　如果利物浦入唔到歐聯分組賽，門票、獎金同埋電視轉播等收益都會見財化水，呢度最少唔見一千二百萬鎊（約一億七千萬港元），唔好忘記利物浦依家起緊新球場，同銀行借唔少錢，所以今場對標準列治真係輸唔起，為免夜長夢多，利物浦相信會盡快拉開比數，「讓球主勝」冇難度，半場W亦都相當穩陣。
首回合：和0:0

　　歐聯外圍賽賽制

　　今場為第三圈第二回合賽事，若兩回合總比數打和，以作客入球較多一方為勝，若作客入球數字相同，則在次回合90分鐘後加時30分鐘，若雙方在加時期間取得相同數量的入球，由作客球隊獲勝；若加時沒有入球，則互射十二碼分勝負。

[免费新闻调用]　　