阿仙奴未撻着捱細界_新闻中心

阿仙奴未撻着捱細界

http://www.118g.com 2008年08月27日 08:33 来源：互联网

　　今晚歐聯外圍賽第三圈次回合賽事，阿仙奴主場迎戰川迪。由於兩隊實力有一定距離，手執兩球在手「兵工廠」，晉級可謂十拿九穩，今場唔會強求，就算「流攤」都係人之常情，加上班前鋒近期腳頭無靈，樂比仔建議再追細盤。（now 632周四凌晨３時05分直播）

　　一直以來，阿仙奴最被人詬病地方，就係入球把握力欠佳，呢個情況上季季初曾出現，直至最近又故態復萌。阿仙奴近兩場聯賽雖然控制戰局，但兩場波合共射門四十八次，僅得一個入球。當阿仙奴班前鋒唔順時，真係可以攻足九十分鐘都冇波入。

　　事實上，阿仙奴依家進攻效率真係好低，兩名箭頭艾迪巴約同尹佩斯明顯唔弗，兩名最具創造力中場法比加斯同路斯基又養傷，若遲遲未能打破缺口，雲格只得一招，就係換入高佬賓特拿出博亂，但變招後，形勢往往仲差過之前。阿仙奴進攻板斧唔多，副偈又未撻，今仗即使控制戰局，亦難以取得大量入球。

　　川迪輸質唔敢亂攻

　　川迪同阿仙奴級數擺明差幾班，即使首回合落後○比二，次回合亦唔會亂咁攻，練麥卡倫話晒過英格蘭國家隊同米杜士堡，佢當然知道阿仙奴依家問題所在，故今仗相信會繼續踢穩守突擊戰術，尋求入波機會。既然一隊唔使攻，一隊唔敢攻，今場捧細係最佳選擇。

[免费新闻调用]　　