重炮手：斯洛文尼亞強鋒搵食_新闻中心

重炮手：斯洛文尼亞強鋒搵食

http://www.118g.com 2010年06月13日 10:59 来源：互联网

　　實力平平嘅球隊想喺世盃晉級，最緊要有部署，斯洛文尼亞早就表明以C組次名出線，今晚對住同組最弱嘅阿爾及利亞非勝不可。何況，阿爾及利亞有後衞比赫積停賽，內部又因為棄用隊長曼蘇里一事而不和，中後場都欠穩，小讓平半，一於捧斯洛文尼亞上盤！（有線61、64、中央5台及廣東體育周日晚7:30直播）
　　
　　嚟自非洲嘅阿爾及利亞，決賽周前兩場熱身賽只有1勝1負，表現麻麻同傷兵眾多有關。雖然後防保基拉及安達耶希亞已經傷愈，可惜另一大將比赫積因為之前喺非國盃紅牌被逐，今晚要停賽，防線排唔出最佳陣容。
　　
　　阿軍隊長扭計喊走人
　　
　　何況阿爾及利亞內部亦有不和消息，隊長兼中場曼蘇里喺熱身賽因為表現太差，領隊沙丹尼宣布今晚以拿辛取代佢嘅正選位。曼蘇里固然激到彈起，仲曾經明示要退出國家隊，而且以中場卡林施安尼為首嘅部分球員亦反對呢個決定，或多或少影響到內部士氣，仲點樣為球隊爭取佳績？
　　
　　斯軍射手隆比真歷傷愈
　　
　　反之斯洛文尼亞後防馬夫歷早前透露，佢哋計劃打算攞6分以小組次名出線，考慮到C組實力最弱就係阿爾及利亞，斯洛文尼亞今戰攞唔足3分，都唔使諗晉級，一於當正決賽嚟踢。何況佢哋嘅正選箭頭路華高域近況弗到痹，上場熱身賽對新西蘭連入兩個靚罰球，消息又指隆比真歷傷愈復出，加埋効力德甲波琴的另一前鋒迪迪，鋒力有保證，袋足3分機會唔細。
　　
　　卡林施安尼（中場）單天保至尊
　　
　　隨住隊長曼蘇里同左閘比赫積缺陣，阿爾及利亞今場想搶分，可謂靠晒中場卡林施安尼。佢擁有法國血統，出名多才多藝，創造力又強，可惜今季喺禾夫斯堡表現麻麻，今屆世盃正好畀佢證明身價。
　　
　　高倫（中場）媲美沙荷域
　　
　　斯洛文尼亞球員大多實而不華，高倫算係異數。呢位中場腳法秀麗、視野廣闊、畀波極之獨到，經常被人攞嚟同國家名宿沙荷域比較。世盃前佢突然被西布朗解約，為求新飯碗，相信佢必定加多兩錢肉緊嚟踢。
　　
　　睇非搵食
　　
　　一場海軍鬥水兵嘅賽事，似乎引唔起球迷嘅興趣，到尋晚好夜投注額都係得嗰百幾萬，斯洛文尼亞和阿爾及利亞兩隊嘅水位都係升吓又跌吓，冇乜明確嘅方向，唯獨和波呢一瓣就保持向下，小注博吓和啦！
　　
　　阿爾及利亞後備
　　
　　3. 比赫積
　　
　　6. 曼蘇里
　　
　　7. 保迪保斯
　　
　　11. 積波亞
　　
　　12. 比連特
　　
　　16. 查奧捷
　　
　　17. 古迪奧拿
　　
　　18. 麥贊尼
　　
　　20. 美斯巴
　　
　　21. 卡迪亞
　　
　　22. 艾當
　　
　　23. 麥保希
　　
　　斯洛文尼亞後備
　　
　　3. 迪辛歷
　　
　　6. 白蘭高伊歷
　　
　　7. 比斯尼克
　　
　　9. 隆比真歷
　　
　　12. 謝斯明漢丹洛域
　　
　　15. 雲尼卡軒
　　
　　16. 施歷加
　　
　　19. 費歷高域
　　
　　20. 科馬
　　
　　21. 史堤雲奴域
　　
　　22. 馬夫歷
　　
　　23. 馬達夫斯
　　
　　首球推介
　　
　　兩軍均欠缺大賽經驗，不過斯洛文尼亞近況明顯有優勢，特別係前鋒路華高域，佢喺近兩場熱身賽勁入3球，其1米92嘅身高優勢，隨時令阿爾及利亞束「首」無策！副選則可考慮經常後上入波嘅西布朗中場高倫。
　　
　　莫卡巴球場%26#8231%26#59;天晴 6-24℃
　　
　　阿爾及利亞難保清白身
　　
　　%26#8231%26#59;史上6場世盃決賽周賽事均未能保持清白。
　　
　　%26#8231%26#59;近8場比賽獲2勝2和4負，當中5場食白果。
　　
　　斯洛文尼亞半場已發威
　　
　　%26#8231%26#59;近8場獲6勝2負，有5場可以喺半場領先。
　　
　　%26#8231%26#59;從未喺國際大賽贏波，至今僅錄2和4負。

[免费新闻调用]　　